Палівода Ігар Ігаравіч

(16.05.1950 - 28.02.1996)

клавішныя, фартэпіяна, кампазіцыя, аранжоўка

Час працы: 1978 - верасень 1985 гг. і 1988 - 1989 гг.

Нарадзіўся ў г.Стэрлітамаке (Башкірыя).

У 1957г., пасля пераезду сям'і ў Мінск, паступіў у музычную школу пры кансерваторыі.

З 1968 г. студэнт кансерваторыі па класе фартэпіяна. Прыкладна ў той жа час адбылося знаёмства Ігара з ансамблем «Лявоны».

1972г. – Дыпламант Усесаюзнага конкурсу піяністаў.
1974г. - пасля кансерваторыі пачаў працаваць у аркестры мінскай філармоніі.

З 1978 па 1985гг. – ансамбль «Песняры».

Далей - вучоба ў кансерваторыі на кампазітарскім аддзяленні, па канчатку - каля года ізноў працаваў у ансамблі «Песняры».

Валодаючы ўнікальным кампазітарскім талентам, Ігар быў яшчэ і душой калектыва. Менавіта ён з'яўляўся рэдактарам песняроўскай гумарыстычнай газеты.

З восені 1989 г. сумяшчаў працу аранжоўніка ў джаз-аркестры Фінберга з удзелам у джаз-бэнде Ігара Сафонава «Пяты кут» (назва прыдумана Ігарам Паліводай).

Сярод прац кампазітара:
кантата “Вясёлыя жабракі” на вершы Роберта Бернса ў перакладзе З.Маршака для ансамбля "Песняры" (1981г.), 12 прэлюдзій і варыяцый для фартэпіяна (1983г.), музыка для струнных і фартэпіянаў (1984г.), канцэрт для фартэпіяна з аркестрам (1986г.), кантата «Словы» на вершы савецкіх паэтаў (1987г.), поп-опера «Максім» на вершы М.Багдановіча (1991г.), опера-песня «Беларушчына» на вершы Я.Купалы (1992г.), прэлюдзія і фуга для струннага аркестра (1995г.)
і інш.

І.Палівода аўтар цыклу песень на вершы паэтаў А.Куляшова і Р.Барадуліна, а таксама народных аўтараў.

Крыніцы: Беларуская энцыклапедыя (2000 г.)